Онлайн-конференция МК

27 декабря состоялась онлайн-конференции Александра Милинкевича с читателями газеты "Московский комсомолец". Вот наиболее часто задаваемые вопросы.

14:55, 05.01.2006
Віктар

Паважаны Аляксандар Уладзімеравіч!
Ад усяго сэрца жадаю Вам перамогі. Пытаньне маё наступнае: наколькі пасьпяхова, на Ваш погляд, адбываецца фармаваньне Вашых структураў у сталіцы? Ці адчыненыя дзьверы Вашага штабу для PR - адмыслоўцаў, сацыёлягаў,валянтэраў? Акрамя гэтага, хацелася б запытаць пра плённасьць Вашых вандровак па краіне. З павагаю, Віктар.

Найперш, дзякую за шчырыя словы. Што тычыцца паездак – эфект быў прадказальны, але, прызнаюся, нечаканы нават для нас. У рэгіёнах напоўніцу адчуваеш, наколькі моцна народ чакае пераменаў да лепшага! Адчуваецца гэта і ў вялікіх гарадах, і ў мястэчках, і на вёсцы, як сярод людзей, што прыстасаваліся да жыцця, так і сярод тых, хто знаходзіцца ў вельмі кепскай сітуацыі. Людзі хочуць жыць у іншай Беларусі – дзе пануе законнасць, справядлівасць, дзе ёсць праўда, магчымасць развіцця і перспектыва.